Rhagori ar ddisgwyliadau
Eich diwrnod priodas chi ydyw a’n blaenoriaeth ni yw rhagori ar eich holl ddisgwyliadau. Byddwn yn gweithio gyda chi i ddarparu’r manylion a fydd yn gwneud eich dathliad yn ystyrlon ac yn gofiadwy.
-
Paratoadau terfynol
Mae gennym ddwy ystafell bwrpasol i chi a’ch parti priodas eu defnyddio ar fore eich priodas, a bydd ein tîm ni yn goruchwylio’r paratoadau terfynol.
-
Y seremoni
Mae gan Dŷ Bryngarw drwydded lawn i gynnal seremonïau priodas, sy’n cael eu cynnal yn yr Ystafell Traherne hardd. Mae’r ffenestri o’r llawr i’r nenfwd yn cynnig golygfeydd o’r gerddi a gallwn ddal hyd at 100 o westeion yn gyfforddus.
-
Ar ôl y seremoni
Ar ôl y seremoni, mwynhewch eich diodydd croeso a’ch canapés blasus ar y patio yn edrych dros y lawnt, yr ardd breifat yn edrych dros Ystafell Traherne Suite, neu yn ein hystafell wydr.
-
Lluniau
Bydd digon o ddewis i’ch ffotograffydd. Mae llwybrau coetir, llwybrau bordiau, carpedi clychau’r gog a dolydd o flodau gwyllt brodorol a phlanhigion a nodweddion Japaneaidd yn gwneud Parc Gwledig Bryngarw yn arbennig drwy’r flwyddyn gron.
-
Bwyd a diod
Mae ein pabell fawr yn lleoliad gwych ar gyfer eich brecwast priodas, wedi’i ddarparu gan ein tîm arbennig o gogyddion profiadol a fydd yn gweithio gyda chi i greu bwydlen bwrpasol ar gyfer eich diwrnod. Darperir ar gyfer unrhyw ofynion deietegol, ac yn unol â’n hymrwymiad i gynaliadwyedd, daw cynifer â phosibl o’n cynhwysion o ffynonellau lleol - daw rhai hyd yn oed o’n tir ein hunain.
Bwydlen Brecwast Priodas Hanfodol
-
Dathlu
Mae gennym ddau far i chi eu defnyddio yn ystod eich dathliadau – un yn y babell fawr ac un arall, sy’n fan llawer mwy clyd – a’r ddau yn gwerthu cwrw amrywiol o Gymru, lager, gwin a gwirodydd.
-
Dawnsio trwy’r nos
Ar ôl eich brecwast priodas, paratowch i ddawnsio trwy’r nos gyda hyd at 250 o westeion yn eich derbyniad nos. Gallwn argymell DJ, bandiau a diddanwyr eraill ac rydym yn cynnig amrywiaeth o ddewisiadau bwyd ar gyfer y nos.
-
Ystafell Mis Mêl
Mae gennym 18 o ystafelloedd sydd ar gael i westeion aros dros nos yn Nhŷ Bryngarw, ac mae gwesteion a llety gwely a brecwast eraill taith fer i ffwrdd mewn tacsi. Mae ein hystafell mis mêl ar gael am ddim ac mae’n ddelfrydol i dreulio’ch noson briodas. Gweinir brecwast yn yr ystafell wydr y bore wedyn.